Aqrokompleksdə “Bir pəncərə” prinsipi adı altında dövlət və özəl sektor nümayəndələrinin birgə fəaliyyəti təşkil olunur. Dövlət və özəl qurumlar vahid sistemlə idxal-ixrac və tranzit əməliyyatlarında iştirak edən meyvə-tərəvəz istehsalçılarına və ixracatçılarına operativ şəkildə xidmət göstərirlər. Göstərilən xidmətin yüksək keyfiyyətdə olması əməliyyatların daha rahat, səmərəli və sürətli təşkilində mühüm rol oynayır. 

Fəaliyyətində innovativ texnologiyalardan istifadəni əsas tutan Aqrokompleks saxlanc, çeşidləmə və paletləmə xidmətlərində də bu ənənəyə sadiq qalır. Ümumilikdə 18.000 ton tutumu olan soyuducu anbar kompleksi İtaliya istehsalı olan müasir texnologiya ilə təchiz olunub və Dinamik Atmosfer Kontrol (DAC) xüsusiyyətlidir. Həmçinin infrastruktur qurğularından olan MAF RODA avadanlığı saatda 4 ton gilas və 5-6 ton çəyirdəkli və tumlu meyvələri çeşidləmə və paletləmə imkanı verir.

Göstərilən xidmətin çoxtərəfli təşkil olunması məqəsdilə Aqrokompleksdə ictimai iaşə obyektləri də inşa edilib. Belə ki, ərazidə Biznes Mərkəzi, 22 otaqlı mehmanxana, 150 nəfərə xidmət edə bilən restoran-yeməkxana kompleksi, yanacaq doldurma məntəqəsi, yük maşınları üçün texniki servis mərkəzi və avtoyuma məntəqəsi də fəaliyyət göstərir.  

“FoodCity Aqrokompleks”in kənd təsərrüfatı məhsulları istehsalçılarına və tədarükçülərinə göstərdiyi başlıca dəstək xidmətlərdən biri də onları vahid bir platformada əlaqələndirməkdir. Ümumi sahəsi 2506 m² olan Birja yerli və xarici istehsalçıların məhsullarının bazar tipli şourumda sərgilənməsinə və alıcı-satıcı əlaqələrinin vasitəsiz şəkildə qurulmasına xidmət edir. 

Aqrokompleksin ekosisteminə daxil olan ən vacib komponentlərdən biri də qida təhlükəsizliyi üzrə laboratoriyadır. Laboratoriyada gündəlik 24 növ və 400-ə yaxın sayda aşağıdakı təhlilləri aparmaq mümkündür:

• Karantin ekspertiza
• Toksikoloji
• Fiziki-kimyəvi
• Fitopatoloji
• Molekulyar-bioloji

Aqrokompleksin ekosisteminə daxil olan gömrük zonasında 4 kameralı soyuducu və 1 qapalı tipli müvəqqəti gömrük saxlanc anbarları yerləşir. 4 kameralı soyuducu anbarlar 1556 m³, qapalı tipli saxlanc anbarı isə 7638 m³ ərazini əhatə edir. Həmçinin gömrük zonasında X-Ray yoxlama-baxış sistemi də fəaliyyət göstərir. Sistem saatda 20-25 tıra xidmət etmə potensialına malikdir. 

Aqrokompleksin əsas tərkib hissələrindən olan Logistika Mərkəzi özündə həm Dalan dəmir yolu, həm də Yük maşınları terminallarını birləşdirir. Logistika mərkəzi ildə 500.000 ton yükaşırma potensialına malikdir. Yük maşınları terminalında 150 tırın parkanması üçün ərazi və gündəlik 200 yük maşınına xidmət göstərə bilmə imkanlı statik və oxlu tipli yük maşını tərəzisi mövcuddur. Dalan dəmir yolu terminalı və yükləmə platforması isə ümumilikdə 130 vaqon tutumludur. Terminal eyni vaxtda 65 vaqona yükləmə-boşaltma əməliyyatı aparılmasına imkan verir. Logistika Mərkəzi ümumilikdə 18200 m² sahəni əhatə edir.